Agartala-Dhaka bus service chhunzawm leh dawn
Tripura Road Transport Corporation (TRTC) chuan Agartala leh Bangladesh khawpui, Dhaka inkara bus a service tir chu vawiin aṭanga chhunzawm a tum thu a tarlang.
Agartala-Dhaka bus service hi kar khatah vawi hnih tlantir a ni ang.
Bangladesh-a transport operator, Shyamali Paribahan Ltd pawhin Dhaka-Agartala inkara bus service hi Nilaini aṭang khan a chhunzawm.
TRTC Managing Director R M Malakar chuan Agartala-Dhaka bus service chu Bangladesh rama politics thila boruak ṭha lo a thlen avangin kumin January khan chawlhtir a ni tih a sawi a, Bangladesh-a transport operator te nen tunhnaia meeting an neih hnuah kar khata vawi hnih bus tlantir leh an rel thu a sawi.
Agartala aṭangin Thawhṭanni leh Zirtawpni-ah bus a chhuak ang a, Dhaka lam aṭangin Shyamali Paribahan Ltd chuan Thawhlehni leh Inrinni-ah bus a chhuahtir thung ang. Bus service tur hi mi 38 chuan theihna tur niin, a chuan manah cheng 180 lak a ni ang.
Agartala-Dhaka bus service hi kum 2003, September khan ṭan a ni a, Bangladesh lam chuan kum 1999, July thla aṭang khan Dhaka leh Kolkata inkarah bus an lo service tir tawh bawk.