Assam: Indian Army Spear Corps unit-in 'National Education Day' lawm

Indian Army- Spear Corps unit chuan Assam-a Tinsukia district-a Hassak LP School-ah Thawhṭanni khan National Education Day an lawm. He hun hi zirna pawimawh zia leh society ṭhanlenna atan a ṭangkaizia zirtirna atan an hmang a ni.

National Education Day an hmannaah hian zirlai naupang 100 aia tam leh zirtirtu 10 an tel. Thusawitu hrang hrangte chuan khua leh tui ṭha leh rintlak chher chhuak tur zirna pawimawh zia te, zirna chu khawtlang siamṭhatna leh hmasawnna pawimawh a nih thute an sawi a ni.

He hun hmannaa an thupui pawimawh zingah hian skill development, critical thinking leh equality te a tel a, zirlaite an zirna kawng chhunzawm zela ram leh hnam hmasawnnana ke pen turin an fuih bawk.

Zirlai naupang leh zirtirtu aṭangin zirna pawimawh zia hre reng tur leh sorkarin zirna kawng hmasawnna atana hma a lak hrang hrangte thlawp tlat tura intiamnate neih ani bawk. He inkhawm buatsaih hi security force leh tualchhung mi te inzawmna mai bakah India sipaiin vantlang mipui leh zirna atan hmakhua an ngaihzia tilangtu atana an hmalakna a ni tel bawk a ni.