Sikkim-in state day a lawm

Sikkim chuan kar kalta Inrinni khan Indian Union a zawm aṭanga statehood day a tlin vawi 40-na Gangtok-ah a lawm.

Sikkim lal chuan kum 1975, May 16 khan India a zawm a, Constitution amendment bill vawi 38-na pass a nih hnuah India ram state 22-na turin state puitlingah hlankai a ni.

Kum 1975 khan Sikkim Prime Minister-in India Parliament hnenah India rama Sikkim rinlut tura a ngen hnuah Indian Army te chuan Sikkim lal leh a vengtute chu an thunun nghal a, hemi hnu hian Sikkim mipuite ngaihdan lak niin, 97.5%-in lal rorelna tihtawp an duh a ni.