Manipur Larsapin a hna a zawm

Jharkhand Governor an transfer tak, Manipur Governor thar Syed Ahmed chu kar kalta Inrinni khan Imphal, Raj Bhavan-a Durbar Hall-ah lakluh a ni.

Governor thar lakluh inkhawm hi Chief Secretary PC Lawmkunga-a'n a kaihruai a, Manipur High Court Chief Justice Laxmikanta Mohapatra-a'n rinawmna thu a tiamtir.

Manipur Governor thar Ahmed hian Uttarakhand leh Manipur Governor hna chelh kawptu, Krishan Kant Paul a thlak a ni.

Lakluhna inkhawmah hian Chief Minister Okram Ibobi Singh, Deputy Chief Minister Gaikhangam, Deputy Speaker M. K. Preshow, minister te leh political party hrang hrang hruaihtute bakah sorkar officer liante an tel.

Ahmed chuan state hmasawnna atana hnathawh kawngah state sorkarin ṭha taka a thawhpui a beisei thu media mite hmaah a sawi.

Governor Ahmed hi Congress mi leh sa niin, kum 2011, September khan UPA sorkar chuan Jharkhand Governor atan a ruat a ni.