Manipur-ah JE vanga thi pathum awm tawh

Manipur-a natna chi khat thosi seh atanga kaichhawn theih Japanese Encephalitis (JE) avangin mi pathumin nunna an chan tawh a, kai thar panga an hmuhchhuah belh zinga pakhat dinhmun chu a ṭhalo hle tih tarlan a ni.

He natna hian Chura-chanpur District a tuam mek a, JE kai nia rinhlelh blood sample endik 18 zinga panga te chuan an kai tih hmuhchhuah leh a nih tak avangin, he natna kai hi mi 20 an tling tawh a ni. Health department chuan heng mite in enkawlna hi a tumsak a ni. State Health director Dr O Ibomcha chuan Churachandpur district hospital tlawhin, chiaina tur a awm lo niin a sawi a, school khar a ngai lo niin a sawi bawk. Churachandpur district-ah hian sorkar remtihnain school zawng zawngte chu ni sarih chhung atan khar vek a ni. Japanese Encephalitis (JE) hi nau-pangah a hluar zual a, nunna chante pawh hi naupang vek an ni.

Dr O Ibomcha chuan anti-JE vaccine sem chhuah mek a ni a, hei hian he natna lakah hian a veng ngei a ni tih finfiah a ni a, ti. Anti-JE vaccine hi mi 55,000 chuang hnenah pek an ni tawh a, pek chhunzawm reng a ni bawk.