Nagaland CM Educational Qualification thubuai hnawl

Nagaland Peren district lower court chuan Zirtawpni khan Chief Minister T R Zeliang-a educational qualifi-cation chungchanga thubuai ziahluh chu hnawl a nih thu leh chinfel hun chhung tura tih hun tiam a ral tawh tih a tarlang.

Judicial magistrate chuan he thil hi politics-a inbeih-na mai a nih thu sawiin, thubelhchian dawl lo a nih thu a sawi. Supreme Court chuan June 15 khan lower court chu chief minister laka case pahnih file chu chingfel turin a lo hriattir tawh a ni. Zeliang-a educational qualification chungchangah hian February, 2014 khan thubuai pahnih ziahluh a ni. Thubuai ziakluttu, Maziezokho Nisa chuan kum 2013 state election-ah khan Zelianga hian affidavit-ah educational qualification dik lo a tarlang niin a sawi a, Section 125 A of the Representation of People Act, 1951 hmanga hrem theih a nih thu sawiin, court-ah a zualko ta a ni.

Hetiang chiah hian K K Kulimbe chuan Zelianga lakah hian July thla tir khan thubuai hi a ziak lut ve leh a ni. Heng thubuai pahnih te hi Court chuan hnawl a nih thu Zirtawpni khan a puang ta a ni. Magistrate chuan Section 125-A of the Representation of People Act hnuaiah hian thiam loh chantirte chu thla ruk chhung lungin tan emaw sum chawi tir emaw a pahnih hmang pawh hian hrem theih an nih thu a tarlang.