Assam leh Curtin University thawkho dawn

Assam sorkar leh Aus­­tralia-a Curtin Uni­versity te'n ṭangruala an din, Centre for Advance­ment in Education and Research chu tunhnai khan Chief Minister Tarun Gogoi-a'n a hawng.

Centre hi technical education leh research lam tihchangtlunna atana ruahman a ni.

Chief Minister Gogoi chuan centre hi higher education-a zirlaite mamawh phuhrukna tur a nih tih sawiin, Curtin Uni­versity nena an thawk­­ho chu hmasawnna mel lung pawimawh tak a ni, a ti.

Gogoi chuan state hmasawnna research pawimawhna tarlangin, research kalpui dante tihchangtlun a nih theih nan centre chu ṭangruala din a nih thu a sawi bawk.

Assam sorkar leh Curtin University hi tech­nology education leh research lam tih­chang­tlun kawnga 'Washing­ton Accord-accredited programme' kalpuinaah an thawkho bawk ang.