Meghalaya Governor-in ILP chungchangah State sorkar nawr rih lo turin a ti

Meghalaya governor Satya Pal Malik chuan chief minister Conrad K Sangma nen an state-a Inner Line Permit (ILP) system  hman phutna chu sorkar laipui hnenah thlenin an nawr tawh tih a sawi a, hei vang hian pawl hrang hrangte tan state sorkar chu hemi chungchanga hian lo nawr reng a ngai hrih lo, a ti. 

Governor Malik chuan ILP system an phutna hi sorkar laipui chuan kawng hrang hranga a ngaihtuah  hnuah, thutlukna a rawn siam mai dawn a ni tiin a sawi. Malik hian August thla aṭang khan Meghalaya Governor dinhmun hi a la chelh a, ILP chung changah sttate mipui tam zawkte ngaihdan pawh hriat a chak thu The Shillong Times-in a kawmnaah a sawi a ni.

 

Pressure group-ten ILP hman phuta sorkar an nawr chung changah Governor chuan, "Chief Minister chuan tun hnaiah union home minister Amit Shah hmuin a  sawipui tawh a, kei pawhin ka bawhzui ve bawk a ni. Union ministry-in a ngaihtuah dawn a, hei vang hian state sorkar hi lo nawr chiam chi a ni rih lo," a ti.