AAPSU-in BJP candidate siam duh lo

All Arunachal Pradesh Students’ Union (AAPSU ) chuan Panchayat election neih turah state BJP-in an state leilung fa ni lo party ticket-a dintir a tum avangin an dem tih an sawi. 

AAPSU hian local body inthlan­ah state leilung fa ni lote chu din phal lo tur leh, refugee te voting rights neih pawh paihsak turin hun rei tak an lo phut tawh a ni. Political party hrang hrang hnenah pawh non-APST chu party ticket pe lo turin an lo ngen tawh a, BJP in Changlang district-a non-APST pahnih candidate atana a ruat chu sut turin an phut. 

Union chuan Pathianni khan leilung fa ni lo candidate atana a ruatna sut turin BJP hi ni hnih hun an pe a, an ngenan hi an zawm lo a nih chuan state pumah lungawi lohna lantir an tum tih an sawi. 

Hemi atan hian district tina zirlai pawl leh an hnuaia branch hrang hrangte chu inbuatsaih turin an hriattir nghal bawk.