Manipur-ah ni khatah Covid-19 vangin mi 10 thi

Manipur-ah Pathianni khan Covid-19 kai mi 10 an thi a, ni khatah hripui vanga thi an tam ber ni a ni. State pumah hripui vanga thi hi mi 273 an awm tawh. 

State health department chuan Pathiannia Covid-19 vanga thite hi Imphal-a RIMS, JNIMS leh Shija Hospital-a enkawl laite an ni thu sawiin, hemi ni vek hian hri kai hmuh chhuah thar 161 an awm tih a tarlang bawk. Hri kai hmuh tawh hi mi 24,910 an tling tawh a ni. 

Hri kai zinga 21,401 chu enkawl dam ni tawhin, recovery rate hi 85.91% a ni. Pathianni thleng khan sample 4,18,298 test a ni tawh bawk.