TMC-in Tea Board Headquarters sawn remti lo

West Bengal Trina-mool Congress (TMC) MP Vivek Gupta chuan Tea Board headquarters Kolkata aṭanga Guwa-hati-a sawn tumna awm chu an dodal tlat dawn tih Assam Congress MP Bhubaneswar Kalita nen an inkawmnaah a sawi chhuak.

Hemi chungchang hi TMC MP Saugata Roy chuan Lok Sabha-ah a lo sawi chhuak tawh bawk. Vivek Gupta chuan Tea Board headquarters sawn tumna awm chu hna thawkte zah lohna a nih thu leh, an remtih ngai loh tur thu a sawi.

Hetih lai hian Assam Congress MP chuan Kolkata aṭanga Guwa-hati-a Tea Board headquarters sawn tura ruahmanna chu tun hnaia tih chhuah a nih loh thu sawiin, hun rei tawh tak aṭanga ruahman niin a sawi. Tea thar chhuah zawng zawng aṭanga 80% chu Assam aṭanga thar chhuah a ni a, chuvangin Tea Board headquarters chu chu Assam-ah a awm ngei tur a ni, a ti. Hei hian kawng hrang hrangah nasa zawka hmasawnna a thlen tur thu leh a man thlenga a ngawng theih thu a sawi. Gupta chuan he ruahmanna hian industry mai bakah hemi kaihhnawiha eizawngtute hma khua tihchhiat sakna a ni thei niin a sawi thung.