AP-ah advance landing ground 8 din dawn

Arunachal Pradesh Chief Minister Pema Khandu chuan Union Defence Ministry hma-lak-naa advance landing ground pariat Ziro, Aalo, Mechukha, Pasighat, Walong, Vijaynagar leh Tezu-a dinna turah ram neitute chu zángna-dawmna dik tak chauh pek an nih tur thu a sawi.

Advance landing ground din tur chung changah hian Itanagar-ah Chief Minister, ministry joint secretary (works & land) Manish Thakur, Deputy CM Chowna Mein leh chief secretary Shakuntala Gamlin te chuan meeting an nei a ni. Khandu chuan hmalakna kal mek chuan inkalpawhna leh kawng hrang hrangah te hmasawnna a thlen thei dawn niin a sawi a, tourism lamah pawh nghawng ṭha zawk a nei thei a ni, a ti. Chhiatrupna thleng leh medical emergency-ah te a
ṭangkai hle dawn a ni, a ti.

CM chuan mipuite chu Defence Ministry hmalakna tiṭhuanawm zawnga khawsa lo tur leh, ram neitute pawh zángnadawmna uchuak taka beisei lo turin a ngen. Defence Ministry chuan hmarchhak chu ramri dep a awm a nih avangin ngawihpawimawh a ṭul thu leh inbunbelh zel an tum thu a tarlang bawk.