Manipur jail-a thil thleng chhui dawn

Manipur Deputy Chief Minister Gaikhangam chuan tun hnaia Sajiwa Central Jail chhunga inthahna thleng chu magisterial inquiry tih a nih tur thu a sawi.

Dy CM chuan state Gover-nor chuan he thil thleng chhui tur hian district magistrate Imphal East hnenah hriattirna a pe tawh a ni, a ti. Jail chhunga tharum thawhna thlengah hian Abdus Salam, Yusuf leh Thangminlien Zou Alias Bobon te chuan nunna an chan a, an zinga pahnih te hi Saudi Arabian nia sawi an ni. Gaikhangam chuan Abdus leh Yusuf te hi Saudi Arabian mi an ni tih finfiah tawh a nih thu sawiin, an pahnih hian Section 14 of Foreigners Act 1946 tlawhchhana hrem an nih thu a sawi. Thihna thlen hnu hian India rama Saudi Arabia Ambassador chuan an ram mi leh sa an nih loh thu a lo sawi tawh thung.

Governor chuan ma-gisterial inquiry ti tur hian July 30 khan thupek a chhuah tawh a, special secretary Home M Yaiskul Meitei chu a mawhphurtu tura ruat a ni. Report hi ni 30 chhungin peih fel tur a ni dawn a, Home department hnenah hlan a nih hnuah Ministry of Home Affairs-ah thlen leh a ni ang.