Sorkar laipui thutlukna dodal tum

Asom Gana Parishad (AGP) chuan sorkar laipuiin Assam Special Category status hlihsak a tum avanga lungawi lohna lantir nan vawiin hian Guwahati-ah kawngzawh huaihawt a tum.

Kawngzawhah hian AGP chuan India leh Bangladesh-in Land Boundary Agreement (LBA) an ziah tawh sorkar laipuiin a taka hman ṭan a tum chu dodal a tum bawk.

AGP chuan Assam-in hun harsa leh khirh tak a hmachhawn mek avangin special category status neih chhunzawm zel a phu a ni, a ti a, special category status a neih avangin sorkar laipui schemes hrang hrang kalpuinaah special financial assistance a dawn phah a, hei hian sum harsatnaah Assam a chhawk zangkhai phah a ni, a ti.

BJP kaihhruai NDA sorkar chu Assam enhrangah puhin AGP chuan sorkar laipuiin, funding pattern 90:10-a central fund a pek ṭhatna chu uar zawka tarlan a ṭul a ni, a ti.