SC lawyer-in Assam-B'desh ramri a tlawh

Supreme Court-a senior lawyer Upamanyu Hazarika chuan Thawhṭanni khan Assam, Dhubri district-a, India-Bangladesh ramri a tlawh a, ramri hung hna thawh mek a endik.

Border Department Director Sajjad Shah, DC Dhubri Najrul Islam, Dhubri SP Mridulananda Sarma leh district official dangte'n an ṭawiawm.

Assam-a India leh Bangladesh ramri hung hna thawh mek chungchangah Supreme Court chuan tunhnai khan sorkar laipui leh Assam sorkar chu a lo zilh tawh a ni. Ramri hung hna thawh meka an hmalak tawh chin report thehlut turin SC chuan sorkar laipui leh Assam sorkar a hriattir a, mahse a hunah an thehlut thei lo. Hei vang hian Supreme Court chuan Assam-a Bangladesh ramri hung hna thawh mek, a hmuna enfiah turin senior lawyer Hazarika chu Court Commissioner atan a ruat a ni. Hazarika hi June 30-a report thehlut tura beisei a ni.