Arunachal Pradesh: ISRO in Space Education Lab hmasa ber hawng

Arunachal Pradesh-a a hmasa ber ni turin, Space Education Lab chu Government Higher Secondary School (GHSS), Yazali ah November 13 khan hawn a ni.

He hmun hi Indian Space Research Organisation (ISRO) Space Tutor leh VYOMIKA Space Academy te thawkdunin an siam a ni a, hmarchhak bial tan space lam zirtirna hmun pawimawh leh hmasawnna rahbi thar a ni bawk.

Space Education Lab hi education minister PH Sona'n in ahawng a, he hunah hian education advisor Mutchu Mithi, education secretary Duly Kamduk leh Superintendent of Police Angad Mehta leh khawtlang hruaitute pawh an tel bawk. Dr Nilesh Desai, Space Applications Centre (SAC/ISRO) Director chuan India in hetiang hmalak na chang a hria chu lawmawm a tih thu a sawi.

District commissioner Keyi Panyor Shweta Nagarkoti Mehta chu he project a hma latu challang ber niin, hun rei tak alo thlir tawh tualchhung zirlaite space education pek an ni tawh tur chuan a tilawm hle tih a sawi. He lab hian science chungchanga hriat chakawm leh chipchiar zawka hriat tur awmte chu ṭhalaite tan hian a chhawpchhuak dawn a ni.

MLA Toko Tatung pawhin thuchhuah siamin district thar a ni chungin Keyi Pandor chuan hma a sawn chak hle tih a sawi ve bawk.