Nagaland : Hornbill Festival-ah Wales ram zaithiam perform dawn

Wales artist hriat hlawh tak pahnih, Gareth Bonello leh Mari Mathias te chu Nagaland-a Hornbill Festival 2024 neih turah an perform dawn.

Kumin hi Hornbill festival vawi 25-na tur a ni a, India rama rimawi leh hnam ziarang pho lanna festival lian ber niin, kuminah hian Wales hi an thawhpui dawn a ni.

Festival hi ni 10 chhung a awh dawn a, December 1 aṭangin ṭan a ni dawn a, Hornbill Festival leh Wales thawhdunna,"Wales in India 2024" program pawh an hmang nghal bawk ang.

Mari Mathias hi contemporary folk singer-songwriter a ni a, festival-a perform tur chu a phur thu a sawi a, traditional Welsh folk music tunlai ber hmanga mipui hmaa inlan a tum a ni. Hla pahnih a neih dawn bakah Indian musician Seyievinuo Chuzo nen an thawkdun dawn bawk.Gareth Bonello hi kum 2013 khan The Gentle Good hnuaiah rawn perform tawhin 2024 hian a rawn inlan leh thei dawn a ni.

Nagaland chief minister Neiphiu Rio-a'n Wales a tlawh ṭumin an thawhdunna pawimawh zia sawilangin British Council, Wales sorkar leh Wales Art International hmalakna te pawh a sawi chhuak bawk. Rimawi leh art lam inhriatpawh tawnna chauh ni loin insumdawn tawnna leh hun rei daih thawhhona kawng a hawng dawn a ni, a ti.