Assam: Seaplane service nei thuai dawn

Hmarchhak bialah seaplane service hman a ni ve thuai dawn a, hei hi transportation leh tourism sector a hmasawnna rahbi thar pawimawh tak a ni.

Nimin November 15 khan Guwahati Airport-Pandu Ghat-ah test run hlawhtling tak neih a ni a, runway leh waterway-ah hman tlak a ni em tih te an finfiah. He test run hi connectivity leh tourism hmasawnna kawng thar hawngtu niin seaplane chu khawmual aṭangin tuiah a ṭum thei dawn a ni. He hmalakna hi zin mite leh tourist ten an hmang ṭangkai thei dawn a, hmun pan harsa tak tak, lui kan ngai te leh lawng hmanga zin ngaihna hmunah te hman ṭangkai a ni lehzual ang.

Tualchhung thuneitute leh aviation lama mithiamte chuan seaplane hmang hian regional connectivity ṭha zawk, hmun hla leh tlawhpawh ngai loh hmunah a zin zung zung theih dawn a ni tiin beiseina pawh a nei sang hle.