Manipur speaker escort te'n SI kut an thlak
Manipur assembly Speaker Th Lokeshwar-a escort personnel te'n Manipur police sub-inspector Amitabh Arambam chu May 10 zan khan a nupui leh fate hmaah kut an thlak.
Arambam a nupui chuan a pasal kutthlaktute lakah hian Union Minister of State for Home Kiren Rijiju hnenah action lak ph<tin memorandum a thehlut.
Assembly Speaker Th Lokeshwar-a leh amah a zuitu lirtheite an kaltlang theih nan tiin escort personnel te hian kawngpuia, a car chhunga lo awm Sub-inspector Arambam-a hi an hnuk chhuak a, a nupui leh fate hmaah kut an thlak zui a ni. Hetihlai hian Speaker Lokeswar hi a inrawlh duh lo niin mita hmutute chuan an sawi.
Arambam-a nupui, Vandana chuan Thawhṭanni khan Union Minister Rijiju a hmuh thu sawiin, action la turin a phut thu a thlen tih a sawi. Rijiju chuan thilthleng chu a hriat thu leh state sorkarin a chhuichian mek thu a sawi a, thilthlen dan kimchang a hriat hnuah a ṭul anga action lak a nih tur thu a sawi.
Vandana chuan a pasal chuanga thilthlengah hian state sorkarin aṭangin chhanna engmah a la hmuh loh thu a sawi bawk a, mahse state sorkar official chuan escort personnel commander chu suspend a nih tawh thu a sawi thung.