KHADC CEM hluiin ngaihdam a dil

Meghalaya High Court-in court zahlohna thubuai a siamsak, Khasi Hills Autonomous District Council (KHADC) Chief Executive Member (CEM) hlui Adelbert Nongrum chuan court rorelna a sawisel chungchangah Thawhlehni khan ngaihdam a dil a, hemi hnu hian court chuan bail-a chhuah a phalsak nghal.

Chief Justice Uma Nath Singh leh Justice TNK Singh te awmna, court division bench chuan Thawhṭanni khan Nongrum manna tur thuchhuah siamin, man nghal a ni a, court chuan judicial custody-ah a dah nghal a ni..

Kumin kumtir lama Meghalaya High Court-in Rangbah Shnong te thuneihna chu India danpui palzutna a ni, tia a hlihsak chu Nongrum hian sawiselin court thutlukna chu dodal a tum thu tualchhung chanchinbuah tarlan a ni a, hei vang hian court chuan Contempt of Courts Act, section 14 tlawhchhanin thubuai a siamsak a ni.

Nongrum thubuai chungchangah court chuan a insawifiah nan hun a hawnsak a, June 15-a hearing neih hunah insawifiah tura hriattir a ni.