Thawmhnaw siamna hmunpui hawng dawn

Union Minister of State for Textiles San­tosh Kumar Gangwar leh Assam Chief Minis­ter Tarun Gogoi chuan Thawh­lehni khan Gu­wa­hati, Paschim Bora­gaon-a thawm­hnaw siamna hmun­pui dinna tur lung an phum.

'Apparel and garment making centre' project atan hian hian sorkar laipui chuan cheng vaibelchhe 18 a ruahman a, thla thum chhunga peihfel hman beisei niin, mi 1,200 tan hna thawh tur a siam theih beisei a ni bawk.

Union Minister Gangwar chuan Prime Minister Narendra Modi kaihhruai sorkar chuan hmarchhak bial chu a ngaihpawimawh thu sawiin, 'apparel and garment making centre' pawh hmarchhak state dangah hawn mek zel a ni, a ti.

Union Ministry of Textiles chuan North East Region Textile Promotion Scheme (NERTPS) hnuaiah hmarchhak biala silk, handlooms, handicrafts leh puan ṭhuina lam tihchangtlunna atan hma a la chho mek zel a, Assam-a thawmhnaw siamna hmunpui hawn tur pawh hi NERTPS hnuaia siam tur a ni. NERTPS atan hian 12th Five Year Plan chhungah cheng vaibelchhe 1038.10 dah a ni.