Assam: Chief Secretary hoin hmasawnna tur ruahmanna thlir nawn

Assam chief minister Himanta Biswa Sarma-a'n chief secretary Ravi Kota hnenah state chhung hna thawh hrang hrang, a hun taka thawh leh ṭha taka kalpui a nih theih nana District Commissioner zawng zawng nen review meeting nei tura tih chu November 16 khan an nei.

Meeting ah hian road safety aṭanga welfare scheme tih hlawhtlinna tur an thlur bing a, state chhunga public service leh infrastructure hnathawh tih chak nana buatsaih an ni bawk.

Traffic accident a pun tak zel avangin kawnga himna awm theihna dan tur sawi ho a ni bawk a, tawhsual tawk tih tlem nan thuneitu lamin hma a lak thu a sawi bakah, khauh zawka lirthei tlan endik leh awareness campaign ṭha zawk neih a pawimawh thu a sawi.

Hei bakah hian Chief Minister Atmanirbhar Asom Abhijan (AAA) scheme hnuaiah district hrang hranga model infrastructure sakna tur pawh kalpui mek a nih thu sawiin, he scheme hi uluk taka endik a nih bakah tualchhung mipuite tan a ṭangkai theihna tur an sawi ho. Antenatal registration ennawn a nih bakah National Food Security Act (NFSA) hnuaiah buhfai semtur pawh an ennawn nghal. PM-KISAN scheme, loneitute tana direct income an neihna pawh pawh kalpui mek a ni bawk.

Model Anganwadi Centre sak leh naupang tana enkawlna ṭha petu tur Sabha Ghars pawh an sawi tel. Review meeting-ah hian operational memorandum (OM) siam thar pawh an sawilang a, hei hian thingpui huan hralh leh registration lam a thlurbing a, national highway siamṭhat pawh a pawimawh thu an sawi bawk a ni.