Tripura: Tripura leh Tata Technologies Limited thawkdun dawn

Tripura cabinet chuan Tata Techno-logies Limited nena thawhdun rem tiin, state chhungah Industrial Training Institute 19 din tum a nih thu transport minister Sushanta Chowdhury-a'n a puang.

Thawhdunna hi kum nga chhunga kalpui tura ruahman a ni a, hemi zulzui hian Tata Technoligies Limited nen inremna an ziak dawn a ni.

November 16-a Secretariat-a press conference a neihah, Minister chuan he hmalakna hi ITI stage a infrastructure tih hmasawn leh ITI graduate te tana hna hmuhna hun remchang siamsak bakah state pawna startup duhte ṭanpui nan a nih thu a sawi. Press conference-ah hian Industry leh Commerce Director Bishwajit B, Transport Department Additional Secretary Subrata Chowdhury leh Joint Secretary Maitri Debnath te an tel bawk.

Joint project ah hian trade thar 11 chu ITI curriculum-ah dah belh a ni anga, hemi atana senso tura ruahman chu Rs vbc 683.27 a ni. Tata Technologies hian senso tur 86% a tum anga, a dang 14% chu sorkar tum tur a ni thung.State sorkar chuan ITI 19-a infrastructure tih changtlunnan Rs vbc 107.06 a dah bawk a ni.

Choudhury chuan Agartala-Kolkata route airfare chungchang, media in an report chu a dik tawk lo tih a sawi nghal. Airfare hi airline service provider siam a ni a, Tariff Monitoring Unit nen Directorate general of Civil Aviation (DGCA) hnuaiah ngun taka an endik ṭhin thu a sawi.Tun dinhmunah nitin thlawhtheihna service 16 a awm a, Indigo-Airbus pawh Agartala MBB Airport aṭanga thlawk chhuak thuai turin hma an la bawk tih a sawi.