TRAI official leh service provider te'n meeting nei

Telecom Regulatory Authority of India (TRAI) official, Ministry of Communication & IT leh Department of Telecommunications (DoT) official te chuan Nagaland-a internet service chhe lutuk chungchangah Nilaini khan service provider leh consumer te meeting an neihpui.

Consumer te chuan internet service leh mobile connectivity rintlak loh lutuk chungchangah nasa takin an lungawi loh thu an tarlang a, thuneitute'n hma la tura an tiamna chuan rah ṭha a chhuah lo a ni, an ti. Hemi rual hian telecom service provider te pawhin consumer te harsatna chu lo bawhzuisak an tiam leh bawk.

DoT official te chuan service provider te laka complaint chu online-in DoT hnuaia Redressal of Public grievances website, www.dot.gov.in. ah an thehluh theih thu an tarlang.

TRAI chuan he hun hi consumer te'n an dikna chanvo an hriatchian theihna atana awareness pekna atan a buatsaih a ni.