Sorkarin Sabroom sub-division magistrate a ban

Tripura law department official chuan Sabroom sub-division judicial magistrate (SDJM) chu a hna a thiam loh vang leh a tlin loh vangin ban a ni, a ti.

Sabroom sub-division-a judicial magis­trate hi Jhantu Bikash Das a ni a, Thawhṭanni khan state law department chuan Tripura High Court thupek angin a hna aṭangin a chawlhtir.

Das hi lawyer te nen an inhmuhthiam lohna an nei ṭhin niin official chuan a sawi a, judicial work a thiam loh avangin SDJM court lawyer te chuan an lungawi lohna an lantir tawh a, hei hi Tripura HC chuan hriaiin, a bawhzui ta a ni.

"Law department chuan SDJM chanchin chu a chhuichian hnuah a dik lo a ni, tih a hmuchhuak a, hemi hma hian South Tripura district and session judge pawhin Das-a chungchangah hian report a thehlut bawk. Report tlawhchhanin a hna aṭanga chawlhtir a ni," tiin law department official chuan a sawi.