Special status phutin kawng zawh

Asom Gana Parishad (AGP) chuan sorkar laipuiin As­sam special category sta­tus a tihtawpsak duh lohna lantir nan leh state status-a dah leh phûtin Nilaini khan kawng­zawh a huaihawt.

Kawngzawhah hian party president Atul Bora, Chief Minister hlui Prafulla Kumar Mahanta, party president hlui Thaneswar Boro, AGP Legislature Party Leader Phani Bhusan Choudhury leh Union Minister hlui Birendra Prasad Baishya te pawh an tel.

AGP hian Assam-a rorel lai Congress sorkar leh BJP kaihhruai sorkar laipui chu Assam mipuite duhdan ngaipawimawh loah a puh bawk.

Party president Bora chuan Prime Minister Naren­dra Modi-a kaihhruai sorkar chu special category state aṭanga Assam dah duh lo luiah a puh bawk a, hei hian state economy-ah nasa takin nghawng ṭha lo a thlen phah dawn a ni, a ti.

Prafulla Kumar Mahanta pawhin state sorkar leh sorkar laipui chu Bangladesh rama Assam siam tumah a puh bawk.