Assam CM-in Jharkhand-ah NDA in hnehna an chan ring

Assam chief minister leh Jharkhand inthlana BJP co-in-charge, Himanta Biswa Sarma chuan Jharkhand assembly inthlan lo awm turah BJP kaihhruai, National Democratic Alliance (NDA) chuan hnehna an chang dawn tih a sawi.

Chanchinbu mite a kawmnaah, Sarma chuan Jharkhand mipuitea thathona pung zel a hmuh thu leh prime minister Narendra Modi thlawptute an nih tlangpui thu a sawi a ni. Thla li chhung Jharkhand-a hun an hmannaah mipuite thlawpna ṭha tak an hmu chu a thlamuanthlakin a lawm zia pawh a sawi bawk.

Sarma chuan Jharkhand mipuite chu double-engine sorkar awm thei turah an phur em em a, hei hian state chhungah hmasawnna tam tak a pe dawn a ni, a ti. An tum bulpui ber chu ṭhalaite leh hmeichhe dinhmun chawisan a ni tiin, an ti hlawhltling ngei dawn tih a sawi.

Assam CM chuan an campaign chu a hlawkthlak thu sawiin party mi leh sate bakah an thawhpui dangte nen thawhhona ṭha a awm ngei a beisei a, NDA chuan majority lain sorkarna an siam ngei a rin thu a sawi a ni.