AP: Tri-service exercise 'Poorvi Prahar' khar a ni

Arunachal Pradesh-a Anini bul hnaia ni kaw chhung awh, tri-service military exercise neih chu November 18 khan khar a ni ta. He hunah hian India-in ralthuam a neih ṭhatte phochhuahna hun an nei a, Army, Navy, Air Force leh Indo-Tibetan Border Police (ITBP) te hnathawh dan pawh tarlan a ni.

Poorvi Prahar hi khawchhak lam, China ramri hnaihah neih a ni a, armed force ten rikrum thila hmalak dan tur leh hnathawh kalpui dan tur a takin an lantir. Khawmual, boruak leh tuiah large scale drill neih a ni a, India in armed service nena joint warfare an neihṭhat pholanna a ni pah bawk.

Arunachal Pradesh-a high-altitude terrain drill neih hi sipaiten tlangram chhengchhe tak hnuaiah pawh an insiamrem theih dan an lantirna a ni. He drill-ah hian fighter aircraft tunlai zawkte hman niin, Chinook leh Advanced Light Helicopter (Rudra) te bakah tun hnaia artillery unit tana pek thar, M777 Ultra-Light Howitzers te pawh an hmang a ni.

Poorvi Prahar-ah hian technology lama hmasawnna chu a thil tum lian tak pakhat niin, force hrang hrangte thawh hona kaltlangin Common Operating Picture (COP) siam a ni bawk.