Arunachal Pradesh: Hmarchhaka theatre festival lian ber hmang dawn

Arunachal Pradesh chuan hmarchhak biala theatre festival lian ber, Arunachal Rang Mahotsav (ARM '24) nei turin a inbuatsaih mek. He festival hi state cultural calendar-ah landmark event ni turin an puang bawk. Chief minister Pema Khandu chuan November 22 hian DK Convention Centre, Itanagar-ah a hawng dawn a ni.

Festival hi ni 15 chhung hman a ni dawn a, Arunachal Pradesh cultural heritage hausakna pholanna tur a ni. ARM '24 ah hian traditional leh contemporary performance hmuhnawm tak en tur a awm bawk dawn a; state oral folklore, local performimg art, dance form leh martial art bakah Arunachal Pradesh thiamthil hlu leh ril tak tak an entir dawn bawk.

ARM '24 ah hian tualchhung mai bakah ram chhung hmun dang leh ram pawn lam aṭang thlengin thiam thil an lantir ang. Mipui, naupang aṭanga puitling thleng tana thlir hmuhnawm turte chhawpchhuah an tum.

Chief Minister Khandu chuan Arunachal Pradesh cultural heritage venhim leh chawisanna hun pawimawh tak a nih bakah, art lama hmasawnna leh phurna siamtu tur a nih thu sawiin, he festival -ah hian mi zawng zawng tel turin a sawm nghal bawk a ni.