Bangladesh mi dapchhuah beihpui thlak mek

Union Law Minister DV Sadananda Gowda chuan Bangladesh mi, phalna nei loa India-a awmte dapchhuah beihpui thlak mek a ni, a ti a, thla eng emaw zat a awh tur thu a sawi.

"Phalna nei lo, Bangladesh mi pem­lutte vanga harsatna chu tihtawp tumin a dapchhuah beihpui kan thlak mek a, sorkar pawhin hei hi a ngaipawimawh hle. Sawi hona pawh vawi hnih neih a ni tawh a, thil pawimawh tak a nih avangin thla ruk chuang a awh ka ring," tiin a sawi.

India leh Bangladesh Land Boun­dary Agreement (LBA) kalpuina tura Assam ram telh leh telh lo tur chungchangah Gowda chuan, Assam ram telh tur chin chu ngaihtuah ṭhat a nih tur thu a sawi.

NDA sorkar chuan LBA aṭangin Assam paih a lo rel tawh a, mahse Assam Chief Minister Tarun Gogoi-a'n telh tura a ngen hnuah Assam hi telh a ni leh a, hei hi tlawmngai pawl hrang hrangin Bangladesh laka an ram an hlohna turah ngaiin, an dodal nasa hle.