Nagaland-ah remna kawngzawh huaihawt

Eastern Nagaland People’s Organisation (ENPO) chuan Nagaland chhuah lam district- Mon, Tuensang, Longleng leh Kiphire district-ah kar kalta Zirtawpni khan remna kawngzawh an huaihawt.

SS Khaplang-a kaihhruai, Nationalist Socialist Council of Nagaland (NSCN-K) hel pawlin inkahhai thuthlung an ziah chhunzawm duh loh vang leh hmun hrang hrangah pawikhawihna an thlen avang­in ENPO chuan remna kawng­zawh hi a huaihawt a ni.

ENPO chuan December 18, 2007-a resolution a lo pass tawh, ENPO dinna huam chhunga invauna, thisen chhuah­na leh tharum thawh thleng eng pawh an dodal thu a lo puan tawh chu a pass nawn leh a, hei bakah hian Topu-Mopong Unit leh Khianmiungan Tribal Council te'n NSCN (K) helte laka non-cooperation an lo puan tawh chu an thlawp thu an puang bawk.

Kum 2007-a ENPO-in resolution an lo pass tawh chu zawm sak turin hel pawlte an ngen rualin, ENPO resolution palzuttu lakah chuan non-cooperation puan an tum zel thu an tarlang.