Arunachal-in larsap chhuak tur an thlah

Arunachal Pradesh Governor chhuak tur, Lt Gen Nirbhay Sharma (Retd) thlahna chu Pa­thianni tlai khan Golden Jubilee Banquet hall-ah state sorkarin a buatsaih.

Governor Sharma hi Mizoram Governor atana ruat a ni a, J P Rajkh­owa-a'n a thlak ang. Arunachal Governor thar Rajkhowa hi June 1-ah lakluh a ni ang.

Thlahna thu a sawi­ah Sharma chuan Arunachal Pradesh chu a chhungkua anga a ngaih thu sawiin, a duh hun apiangah a tlawh theih tur thu a sawi a, amah leh a chhungte chunga Arunachal mipui­te ṭhatna chu an theihngilh loh tur thu a sawi.

State hmasawnna tura rawtna a siamte Chief Minister Nabam Tuki leh a minister te'n an ngaihpawimawhsak ṭhin chu lawmawm a tih thu a sawi bawk.

Chief Minister Tuki pawhin Governor thlahna thu sawiin, Sharma leh a nupui chungah state mipuite aiawhin lawm thu a sawi a, state hmun kilkhawr tak taka chengte dinhmun chawikanna atana Governor Sharma inpekna chu lawmawm a tih thu a sawi bawk.