Act East Policy-ah Manipur a pawimawh: Joshi

BJP senior hruaitu, Lok Sabha MP Muruli Manohar Joshi chuan ‘Act East Policy’ hlawhtlin nan Manipur chuan mawhphurhna pawimawh tak a nei a ni, a ti.

Imphal-a BJP workers meeting-ah Joshi chuan he thu hi sawiin, sorkar laipui chuan ASEAN ramte leh Manipur ṭhenawm Myan­mar te chu thawhpuiah siam a tum mek a, ei leh bar kawnga a hlawkna tel pha turin state mipuite chu an inpeih a ngai a ni, a ti.

Manipur-a dan leh thupek dinhmun chung­chang sawiin Joshi chuan state a ralmuang lo a nih chuan sumdawng lian leh investor te an hip theih loh tur thu a sawi a, NDA sorkar chuan Manipur-a remna leh muanna a awm theih nan theihtawp chhuahin a bei mek a ni, a ti.

Joshi hian Manipur University-a, “India’s Look East Policy – Act East and South East Asia: Beyond Border” thupui hmanga ni hnih awh international conference a hmanpui bawk.