Manipur: CAPF ten Manipur thleng

Manipur tualchhung buaina thleng meka venhim hna thawk turin Central Armed Police Force (CAPF) company pariat chu Nilaini khan Manipur khawpui, Imphal-ah an thleng. A hma niin CAPF company 11-te chuan Imphal hi an lo thleng tawh bawk.

Sorkar lapui chuan Manipur-a buaina a chhuah thar leh hnuah venhim hna thawk turin CAPF company 50 thawn luh an nih tur thu a lo puang tawh a ni.

Official chuan Central Reserve Police Force (CRPF) leh Border Security Force (BSF) company pali ve ve chu state chhunga buaina chhuah hlauhawm zualna hmunah dah an ni dawn tih a sawi.

Healthcare tih changtlun nan  Rs vbc 104.66 pe dawn

Sorkar laipui chuan Manipur-a hmun tlawhpawh harsa leh tlangrama chengte tan healthcare infrastructure tih changtlunna turin Rs vbc 104.66 pek a remti.

Ministry of Development, North Eastern Region chuan Rs nuai 10,466.11 chu Prime Minister'd Development Initiative for North East (PM-DevINE) program hnuai aṭangin fund hi a pe a dawn a ni.

He fund hi super-speciality hospital sakna atan leh, leh District Hospital hrang hrang - Chandel, Ukhrul leh Tamenglong-ah specialilty healthcare atan Rs.1,55,31,955.00, Rs 9,41,45,850.00 leh Rs. 11,85,22,169.00 hman a ni ang. Hei bakah Jiribam district-a tlangrama healthcare service atan Rs. 6,16,40,316.00 an dahsak bawk a, Senapati district-ah super-speciality facilitiy leh speciality healthcare atan Rs. 12,15,41,902.00 an dah bawk.

Chief minister N Biren Singh chuan X-ah hemi chungchang hi sawiin Chandel, Ukhrul, Jiribam, Senapati leh Tamenglong-ah a vawikhatna atan CT Scan, MRI, ICU service leh super-specialty care chu a awm thei ta tih a sawi. Churachandpur Medical College-ah pawh hma an lak mek thu a sawi lang bawk a ni.