Meghalaya minister-in damlote ngaihsak turin damdawi-in hriattir

Covid-19 hri leng avanga damlo dangten damdawi-in hrang hrangah ngaihsak an hlawh lo fo nia complaint a awm avangin, Meghalaya health minsiter AL Hek chuan state chhunga damdawi-inte chu damlo te mamawh ngaihsak vat tur leh, a ṭul chu admit nghal zel turin a ti. 

Hek chuan damlo tam takin hospital-te chuan an lo admit duh mai loh thu leh, Covid-19 test result an nghahtir phawt tih an hrilh thu a sawi. "Hospital thuneitute chuan dam lote an admit duh mai lo a, a hma pawhin sorkar damdawi-in leh private damdawi-inte chu damlo te test result nghak kher lo turin kan lo ti tawh a ni. Darkar 24-48 chhung an nghahtir khan damlo dinhmun chu a lo tlahniam hle thei a ni," tiin a sawi. 

Meghalaya-ah  hian hri kai hmuh chhuah 3,076 an awm tawh a, an zinga 1,716 chu enkawl dam ni tawhin enkawl mek 1,343 an la awm. Hripui vang hian mi 17 an thi tawh bawk.