Manipur-ah e-Office File Management System hawng

Manipur-ah e-Office File Mana­gement System hmasa ber tur chu Thawhlehni khan chief minister N Biren Singh chuan a hawng. 

Chief Minister chuan paperless office siam tuma hma lakna kal zelah, a hmasa ber atan a office-ah e-Office File Management System hi hawn a ni tih a sawi. E-office hi state sorkar hnuaia department hrang hrangah a tahtawlin hman chhoh tum a nih thu chief secretary chuan a sawi bawk. 

Thla khat chhungin department 50 velin he system thar hi an  hmang dawn nia sawi a ni a, heng zingah hian  Finance, Home, Health, Forest and Environment, GAD, DP, PWD, Water Resources department-te an tel. Sorkar office hrang hranga paper file hman ṭhin chu zawi muangin tihtawp chhoh an tum dawn a, kum 2020 January 1-ah chuan Manipur-ah e-Office chu kalpui vek hman beisei a nih thu leh, hmarchhak state zingah a hmasa ber nih an tum tih an tarlang.