Sikkim-in sorkar sikul 97 khar a tum

Sikkim sorkar chuan zirlai an tlem avangin an state chhung sorkar sikul 97 te chu academic session tharah khar a tum.

Education minister Raju Basnet chuan semester kal mek a zawh hunah heng sikul 97-te hi khar rawt a nih thu sawiin, hengte hi senior secondary pasarih, junior high 12 leh primiary school 78 te an ni. Hei hi zirna tih hmasawnna tur leh, an thil neihte ṭha leh tangkai zawka hmanna tur a ni tiin, sikul khara zirlaite chuan an awmna hnaih ber sikulah dah tum an ni tih a sawi.

Minister chuan chief minister Prem Singh kaihhruai, Sikkim Krantikari Mocha (SKM) sorkar chuan zirna tih hmasawn chu a dah pawimawh hle tih a sawi a, zirna in hrang hrangte chu infrastructure leh hmanraw ṭha tak takte pek an ni tih a sawi bawk.

Hetih lai hian state BJP hruaitu DR Thapa chuan sorkar hma lak tumna hi sawiselin, thil thlir thui lo lutukah a puh. Sorkar sikula zirlai an tlem chhoh zel chhan chu uluk zawka ngaihtuah ṭha turin a ngen a, sikul khar ringawt chu a chinfelna a ni lo tih a sawi.