Atomic Energy-in uranium project zirchiang mek: Jitendra
Union Minister of State for Atomic Energy and Space Jitendra Singh chuan Meghalaya-a uranium ore laihchhuahna project kalpui tur chu Department of Atomic Energy-in a zirchian mek thu a sawi.
"Department of Atomic Energy chuan uranium ore laichhuah dan chu thil awlsam tak a nih avangin Meghalaya-a laihchhuah dan dan tur chu a zirchiang mek a ni. India ram hmun dang - Uttarakhand leh Himachal Pradesh-ahte pawh uranium hi zawn mek a ni," a ti.
DoNER Minister hna chelhkawptu Singh chuan sorkar laipui chu uranium sawngbawl danah a fimkhur thu sawiin, mihring tana hlauhawm thei a nih avangin uluk taka kalpui ngai a ni, a ti.
Hetihlai hian Meghalaya Chief Minister Mukul Sangma chuan a hmain uranium project chu pawl hrang hrang te'n an dodal avangin state sorkar chu a inhnamhnawih loh tur thu a lo sawi tawh a ni. Mahse Union Minister Singh chuan uranium project chu mihringte tana a hlauhawm dan leh environment tan a him leh him loh chungchangah Bhabha Atomic Research Centre te'n zirchianna an neih mek thu a sawi a, hriselna khawih chhe thei thil an la hmuh loh thu a sawi.