Sonowal-a'n Tripura Left Front sorkar sawisel

Union Minister for Sports and Youth Affairs Sarbananda Sonowal chuan Tripura-a rorel lai Left Front sorkar chu sawiselin, eiruknaa inhnamhnawih nasa leh mipuite hnena sorkar inrelbawlna rintlak pe thei loah a puh.

"Left Front sorkar hnuaiah eirukna tam tak a thleng a, a bik takin MGREGA hnuaia eirukna a nasa hle. He scheme hnuaia inhlawhfa, mipuite'n an thawh hlawh an lak theih loh vanga lungawi lohna lantir nan nawr an huaihawt phah a, hei hi sorkar rorelna rintlak tak a ni lo," a ti.

Union Minister Sono­wal chuan, "Communist party kalphungah hma­sawnna a thleng thei lo a, mipui leh vantlang bungruate chu an him loh bakah mipuite'n an retheih phah a ni," a ti.

Communist party rorelna chu ṭha ni se chuan state mipui 67% chu below poverty line (BPL)-a an awm loh tur thu a sawi bawk.