Assam: Samaguri bialah BJP chak

Assam-a Samaguri assembly biala by-election neih takah BJP candidate Diplu Ranjan Sarma a chak. Congress party-in kum 24 chhung he bial an lo chelh tawhna chu a rawn ti tawp ta a ni.

Diplu Ranjan Sarma hian Congress candidate Tanzil Hussain aiin vote 26,200 in a hmu hnem zawk.

Chief minister Himanta Biswa Sarma chuan BJP candidate chu a lawmpui thu sawiin, an party in hnehna an chan bakah vote 65-70% lai an hmu chu hnehna danglam tak a ni, a ti. An party policy, thlei bik nei lo, mi tin tana rorelna dik tih chu a rawn sawi lang leh bawk. Prime minister Narendra Modi kaihhruaina avang pawhin lawmthu a sawi bawk a, PM hmathlir "Sabka Saath, Sabka Vikas, Sabka Vishwas" tih hlawhtlin kawnga an hmalakna te a sawi lang.

Samaguri hi hun rei tak Congress bial a ni a, tun ṭum inthlana BJP in hnehna an rawn chang ta chu hun pawimawh leh chhinchhiah tlak a nih thu CM chan a sawi bawk.