Meghalaya: Mehtab Chandee Gambegre hnehna lawm

Meghalaya deputy chief minister leh National People's Party (NPP) hruaitu Prestone Tynsong kaihruaiin Gambegre by-election-a an party candidate, Dr. Mehtab Chandee A. Sangma hnehna chan chu an party office, Lower Lachumiere-ah an lawm.

NPP chuan an official X ah thu chhuah siamin, hnehna an chan chu mipuiin an party ah rinna an nghah zia ti lang chiangtu a ni, an ti. Gambegre inthlan result chuan mipuiten NPP sorkarah rinna an nghat tih an ti lang a, Meghalaya mipuite tan theihtawp a hna an thawh tur thu an sawi bawk.

Chief minister Conrad Sarma nupui, Mehtab Chandee hian 4,594 in a khingpui a hneh a, Congress in kum 10 chuang chakna an lo nei tawhna bialah hnehna ropui tak a rawn nei thei a ni.

Gambegre-ah hian tun hnaiah anlo talbuai avangin he hnehna hi National People's Party (NPP) tan chuan mellung pawimawh tak a ni. Kum 2023 Assembly inthlanah khan NPP hian runner-up dinhmun pawh an luah pha zo lo a ni.