Assam : Himanta Biswa Sarma-a'n NDA hnehna a fak

Assam chief minister Himanta Biswa Sarma chuan National Democratic Alliance (NDA) hmarchhak biala by-election an chetṭhat bakah Assam leh Meghalaya a hnehna an chang thei chu ropui a tih thu a sawi.

CM Sarma chuan November 24 khan chanchinthar lakhawmtute hnenah Assam inthlana BJP in hnehna an chan dan kimchang zawkin a hrilh a, inthlan result chuan 2026 assembly inthlan lo awm tur a hril thui dawn hle a ni, a ti.

Hnehna an chan hun chu a fuh thu a sawiin, Assembly inthlan lo awm tura an party result urlawkna a nih thu a sawi bawk. Assam ah hian Assembly inthlan hi April 2026 ah an nei dawn a ni.

NDA hian Assam pawn lamah an huang hi an zauh a, Meghalaya-ah Conrad Sangma party in hnehna ropui tak an nei bawk a ni. Lok Sabha inthlanah a hnuaihnung lam ni mah se an rawn che ṭha leh ta tih Sarma chuan a sawi.