Manipur: Assam Rifle-ten medical camp buatsaih

Assam Rifle chuan Manipur mipui, buaina tawk mek leh mahni in chhuahsan a hmundanga awmte bakah healthcare system dinhmun ṭhat lohna hmun hrang hrangah mega medical camp an buatsaih.

Ni thum chhung camp an buatsaihah hian district hrang hrang aṭangin mi 6,750 vel inentir turin an kalkhawm a ni. Mega Medical Camp hi taksa lama harsatna leh hrisel lohna neite tan mai ni loin, mipui mangang leh lungngaia awm te tan beiseina leh rilru damna te an pek theihna tura buatsaih an ni.

Maharashtra leh Karnataka aṭangin specialist doctor 19 kalin, anni hi Indian Medical Association (IMA) ami te anni a, damdawi lam an mamawh ang angte an rawn pe nghal bawk.

November 18 khan Assam Rifle hian Medical Association (IMA)-a specialist doctor 18 te chuan Lilong United Club Association te nen thawk hoin Lilong khuaah damlo 1,200 chuang an lo enkawl tawh a ni. Medical camp-ah hian dam lo hrang hrangte a thlawnin an inentir bakah damdawi leh in enkawlna turte pawh sem an ni.

Hemi hnu hian Kakching district-a Sora khuaah camp an neih chhunzawm a, hetah hian mi 2,400 chuang harsatna nei te an kalkhawm leh bawk.

November 24 khan "Mega Medical Camp 2024-25" chu Tengnoupal district-a khua tlawhpawh ngai loh leh healthcare ṭhat lohna hmunah an nei leh bawk a ni. He camp-ah hian special doctor 10 thawk chhuakin dam lo 1,000 chuangin enkawlna an dawng. Chakpikarong, Chandel distrcit-ah pawh November 25 khan medical camp buatsaih a ni a, mi 1,050 an inentir. IMA aṭanga doctor 10 leh Assam Rifle Multi-Hospital ten enkawlna pein, pediatric, dermatology, ENT, ophthalmology leh general medicine department-te an ni.