Sikkim: CM-in Constitution Day duangtute zahna hlan

Sikkim chief minister Prem Singh Tamang chuan Sikkim mipuite chu nimin, November 26, 2024, Constitution Day pualin chibai a buk a, Indian Constitution duangtute, an hma hlir ṭha tak lo neihte pawimawh zia sawiin, zahna a hlan.

Chief Minister chuan Constitution Day-ah hian constiuent Assembly member te inpekna leh an hma thlir te hrereng chunga inlungrual taka chengho turin mipuite a fuih nghal bawk. Constitution siamtu pawimawh Dr. B.R. Ambedkar, Bharat Ratna hriatrengna hun a hmang bawk a ni.

CM Tamang chuan mi huaisen chhiarsen loh, zalenna sualchhuaktu te leh ram leh hnam tana marter-te hrereng turin mipui a chah a, an inpekna avanga vawiin thlenga zalen a awm thei an nih thu a sawi bawk.

India ram Constitution-in a siam pawimawh tak tak- justice, liberty, equality leh fraternity chu ram leh hnam nihna pholangtu a ni a, mihring chen honaa inrem taka khawsa turin mitin hma la turin a ngen. India ram chu khawvela democracy ram lian ber ani tiin, "Kan hma hun zel atan mipuite dikna chanvo vawnghim tura kan ṭan ho zel a ṭul a ni," a ti.