Assam MP 11-in MPLADS la khawih che lo
Assam Lok Sabha MP te chuan kum khat office an luah hnuah an bial hmasawnna atana kum khat chhunga cheng vaibelchhe 5 ṭheuh ruahmansak chu an la khawih che lo
MP Local Area Development Scheme (MPLADS) fund atan hian sorkar laipui chuan cheng vaibelchhe 2.5 ṭheuh a pe chhuak tawh a, mahse Assam MP 11 te hian a nihna tur angin an la hmang chhuak lo.
Hetihlai hian Jorhat aṭanga thlan tlin, BJP MP Kamakhya Tasa chuan cheng vaibelchhe 2.5 aṭangin vaibelchhe 1.88 a hmang tawh a, Karimganj MP Radhesyam Biswas pawhin cheng vaibelchhe 1.54 a hmang tawh bawk.
Lakhimpur MP, Union Sport Minister Sarbananda Sonowal pawhin MPLADS fund aṭang hian cheng 1.61 hmanna tur a ruahman tawh bawk.
MPLADS fund aṭanga project kalpui turte hi MP-in rawtna a siam hnuah district-a Deputy Commissioner (DC) te'n an pawmpui a, hemi hnu hian tualchhunga thuneitute'n hna an thawk ṭhin a ni.