Sorkar laipuiin hmarchhak bial a duhsak: Harsimrat

Union Minister for Food Processing Har­simrat Kaur Badal chuan hmarchhak bial chu sorkar laipuiin a duhsak bik tih sawiin, Act East Policy-ah pawh hmarchhak chu ngaihpawimawh bik a ni, a ti.

Directorate of Adver­tising & Visual Publicity-in NDA sorkar kum khat tlin lawmna puala Sikkim khawpui, Gangtok-a photo exhibition a buatsaih a hawn hnuah Harsimrat chuan Nilaini khan he thu hi a sawi a, kumina Union Budget-ah sorkar laipui chuan hmarchhak bial tan cheng vaibelchhe 53,000 a ruahman thu a sawi.

Hmarchhak biala power transmission tihchangtlun nan cheng vaibelchhe 10,000 dah a nih thu a sawi bawk a, sorkar laipuiin agri­cultural university paruk hawn belh a tum thu a sawi bawk.