Court-in BNP hruaitu judi­cial custody-ah ni 14 dah

Bangladesh Nationalist Party (BNP) hruaitu, Sa­la­huddin Ahmed chu Shil­long-a Chief Judicial Ma­gistrate court-in ni 14 chhung judicial custody-ah a dah.

Bangladesh mi Ahmed hi phalna nei loin India-ah a lo lut a, May 11 khan Shillong-ah man a ni.

Man chhuah a nih hnuah Ahmed hi a damloh avangin NEIGRIHMS damdawi-inah dah luh a ni a, May 26 khan damdawi-in aṭanga chhuahtir a ni.

Ahmed hian Shillong a thlen dan a hriat loh thu leh, Bangladesh aṭanga ruk bo a ni tih a hmain Meghalaya police te hmaah a lo sawi tawh a, police te chuan hemi chungchangah hian thu an zawtfiah mek.