Sorkar laipuiin AFSPA hlih a ngaihtuah mek

Disturbed area huam chhunga sorkar sipaite hnena thuneihna sang pekna dan, Armed Forces Special Powers’ Act (AFSPA) chu Manipur leh Jammu & Kashmir-ah sorkar laipuiin hlih tumin a ngaihtuah mek tih MP T Raja-a'n tun hnai khan Manipur-ah a sawi.

MP Raja hi Union Mi­nistry of Home Af­fairs (MHA) hnuaia Par­liamentary Standing Com­mittee-ah member a ni. Member 31 awmna, MP team-ah telin, Ni­ngani khan Manipur an tlawh a, Imphal-a National Sports Academy siam mek an tlawh nghal.

Hun rei tak aṭanga Manipur leh Jammu & Kas­hmir mipuite'n an lo phut tawh AFSPA hlih chu sorkar laipuiin a ngaihtuah mek a, hlih dan turah security lama mithiamte nen sawi hona an kalpui mek a ni, tiin Raja chuan a sawi.

Tripura cabinet mee­ting chuan Nilaini khan AFSPA an state-a hlih a lo remti tawh bawk a, MHA-ah rawtna thlen thuai a tum.