Venhimnaah DoNER leh MHA-in ruahmanna siam dawn

Sorkar laka helna bakah dan leh thupek dinhmun ṭha loin hmarchhak biala infrastructure project te a tihkhawtlai ṭhin avangin Ministry for Deve­lop­ment of North Eastern Region (DoNER) chuan hmarchhak bial venhimna tur ruahmanna siam a tum a, he project atan hian vaibelchhe 325 a ruahman.

DoNER chuan hmarchhak bial venhimna project atan hian security lama mithiam, hmarchhak biala tawnhriat lo nei tawhte bakah MP ṭhen­khat ngaihdan a la tawh a, rua­hmanna leh rawtna a siamte hi Ministry of Home Affairs-ah a thawn leh ang.

DoNER minister Jitendra Singh chuan hmarchhak biala venhimna ṭha lo chu project kalpuinaa harsatna a nih ṭhin thu a sawi a, project tih­khaw­tlai chuan a project senso a tisang ṭhin a ni, a ti.

"Hmarchhak biala tawn­hriat nei tawh security mi­thiamte nen venhimna kalpui dan tur kan ngaihtuah mek a, ruahmanna leh rawtna kan siamte hi MHA-ah kan thehlut dawn a ni. Meghalaya Chief Minister Mukul Sangma-a'n helte chuan leimin hluarna hmun chu bomb tihpuahna atana hman an hrat thu a sawi a, hetiang thu hi kan tan ṭangkai dawn a ni," a ti.