NPCC-in special status titawptuah BJP sorkar a puh

Union finance minister Arun Jaitley-a'n special category status chu anmahni tihtawp ni loin 14th Finance Commission tihtawp a ni tia a sawi chu chhangletin, Nagaland Pradesh Congress Committee (NPCC) chuan politics kaihhnawiha BJP sorkar thutlukna a ni, a ti.

NPCC chuan special status tihtawp chu hmarchhak state te'n an tawrh tur thu tarlangin, central funding pattern 90:10 ration a nih lai pawhin Nagaland chuan matching share 10% a tum theih loh thu leh 100% a dil zawk thu a tarlang.

Nagaland Congress party chuan state-a rorel lai NPF kaihhruai, Democratic Alliance of Nagaland (DAN)- III sorkar chu sawiselin, hmarchhak bial aṭanga central-a BJP sorkar thlawptu awmchhun a ni, a ti. Hmarchhak state dangte'n special category status an phutna chu thlawp tur leh, BJP an thawhpuina titawp tura DAN-III sorkar an phut thu an tarlang bawk.

Ei leh bara hmarchhak bial hmasawnna atan leh mi­puite mamawh phuhruk nan hmarchhak state te chu special category status pek chhunzawm zel a ṭul a ni, tiin NPCC thu­chhuak chuan a tarlang bawk.